|

Хүүхэд үрчлэх, үрчлүүлэх талаарх мэдээлэл...

saikhnaa 2019/02/15 1745 0

1. Хүүхэд үрчлүүлэх, үрчлэн авахад бүрдүүлэх материалын талаар.

Хаана хандах вэ?
Хүүхэд үрчлэн авахыг хүсэгч дараах баримт бичгийг бүрдүүлж, хүүхдийн оршин суугаа газрын сум, дүүргийн Засаг даргад өөрийн биеэр хандана.
Ямар материал бүрдүүлэх вэ?
Үрчлэн авагч тал:
-Эцэг, эхийн өргөдөл
-Багийн засаг даргын тодорхойлолт
-Цагдаагийн байгууллагын тодорхойлолт /ял шийтгэл эдэлж байгаагүй тухай/
-Эрүүл мэндийн шинжилгээний хуудас /Сэтгэц, сүрьеэ, арьс өнгө, ДОХ/
-Гэрлэлтийн гэрчилгээ
-Иргэний үнэмлэх
-Шаардлагатай тохиолдолд нэмэлт материал гаргуулан авна.
Үрчлүүлэгч тал:
-Хүүхдийн төрсний гэрчилгээ
-Хүүхдээ үрчлүүлэх тухай эцэг, эхийн зөвшөөрөл
-Эцэг, эхийн иргэний үнэмлэх болон бусад
Санамж: Хүүхэд 7 нас хүрсэн бол хүүхдийн өөрийнх нь зөвшөөрөл.
-Сум, дүүргийн Засаг дарга хүүхэд үрчлүүлэх эсэх тухай шийдвэрийг баримт бичгийн бүрдэл хангагдсан гэж үзвэл нийгмийн бодлогын асуудал хариуцсан ажилтны дүгнэлтэд үндэслэн 20 хоногийн дотор гаргана.
Улсын бүртгэгч:
 Улсын бүртгэгч эрх бүхий этгээдийн шийдвэрийг хүлээн авснаас хойш ажлын 1 өдрийн дотор хүүхэд үрчилсний бүртгэл хөтөлж, төрсний гэрчилгээнд нэмж тэмдэглэнэ.
Ямар тохиолдолд хүүхэд үрчлэн авахыг хориглох вэ?
-Ганц бие, бусдын асрамжид байгаа 60 дээш настай төрөл, садангийн бус Монгол улсын иргэн, 60 дээш настай гадаад улсын иргэн,
-Эцэг, эх байх эрхээ хязгаарлуулсан, хасуулсан эсвэл хязгаарлуулж байсан буюу хасуулж байсан буруугаас буцаан өгсөн.
эцэг эх байх эрхээ хязгаарлуулсан, хасуулсан буюу хязгаарлуулж, хасуулж байсан 
-урьд үрчлэн авсан хүүхдээ өөрийн буруугаас буцаан өгсөн
- Ашиг хонжоо олох зорилготой
-Шүүхийн шийдвэрээр иргэний эрх зүйн бүрэн чадамжгүй эсвэл хязгаарлагдмал чадамжтай гэж тооцогдсон.
-Сүрьеэ, сэтгэцийн өвчтэй, согтууруулах ундаа, мансууруулах бодис байнга хэрэглэдэг
- Эрүүгийн хэрэгт удаа дараа шийтгүүлсэн болон хорих ял эдэлж байгаа хүнд хүүхэд үрчлүүлэхийг хориглоно. Засаг даргын хүүхэд үрчлэх эсэх тухай шийдвэр, нийгмийн асуудал хариуцсан ажилтнаар гаргуулах дүгнэлт нь хуульд нийцсэн байна.
Иймд зөвхөн хууль журмын дагуу үрчилсний бүртгэлд бүртгүүлэхийг иргэдэд зөвлөж байна.

Санал болгох

Сэтгэгдэл

top