|

АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨН БОЛЛОО

saikhnaa 2019/03/11 223 0

Аймгийн Засаг даргын ээлжит шуурхай зөвлөгөөн боллоо. Хуралдааны үеэр Засаг дарга Д.Батлут хэлтэс, албадын дарга нарт хэд хэдэн чиглэлийн үүрэг өглөө. 

Иргэдийн санал хүсэлт хүлээн авах 70353511 утсанд "Эко хороолол”-ын айлуудын цахилгааныг тасалсан тухай гомдол ирсэн. Тус хороололд эрчим хүч нийлүүлэх асуудлыг гүйцэтгэгч "Монгол дайван” компани  хариуцдаг байна. Иймд тус хороололтой холбоотой гарсан бүх маргааныг эцэслэн шийдвэрлэж, шаардлагатай тохиолдолд гүйцэтгэгчид хариуцлага тооцох хэрэгтэйг хэллээ. 
 
Мөн 3 замын пост дээр Эрдэнэтийн дугаартай авто машинууд төлбөр төлдөг асуудлаар харьяа яаманд хандах үүргийг өглөө. Уг төлбөрийг цуцлах эсвэл постыг нүүлгэх асуудлаар дээд байгууллагаас ирсэн хариуг ирэх долоо хоногийн Засаг даргын шуурхай зөвлөгөөнд танилцуулахаар боллоо. 
 
Түүнчлэн энэ жил аймгийн хэмжээнд олон жилийн дунджаас бага цас орсон. Иймд  ой, хээрийн түймрээс урьдчилан сэргийлэх талаар мэдээлэл сурталчилгааны ажлыг эрчимжүүлэх үүргийг Баян-Өндөр, Жаргалант сумын Засаг даргад өгсөн юм. Түүгээр зогсохгүй эзэнгүй дүүрэг, гуу жалгын хог хаягдлыг цэвэрлэх ажлыг эрчимжүүлэх шаардлагатай байгааг онцоллоо. 
 
 
Erdenet.mn
 
 
 
 
 

Санал болгох

Сэтгэгдэл

top