|

ОРХОН АЙМАГТ САР БҮРИЙН ЭХНИЙ 7 ХОНОГИЙН БЯМБА ГАРАГТ АРХИ ХУДАЛДАХЫГ ХОРИГЛОНО

saikhnaa 2019/05/16 146 0

Өнөөдөр  /2019.5.14/ дэлхийн гэр бүлийн өдөр тохиож байна. Уг өдрийг угтан аймгийн Засаг даргын Тамгын газраас, Гэр бүл, хүүхэд, залуучуудын хөгжлийн газар, "Эрдэнэт үйлдвэр” ТӨҮГ болон Орхон аймгийн Эмэгтэйчүүдийн зөвлөлтэй хамтран цогц үйл ажиллагааг зохион байгуулсан.

 Тухайлбал, Өнөөдөр аймгийн хэмжээнд "Аз жаргалтай гэр бүл тайван жагсаал” , "1000 гэр бүлийн чуулган” боллоо. Чуулганыг нээж аймгийн Засаг дарга Д.Батлут хэлсэн үгэндээ сар бүрийн эхний долоо хоногийн хагас сайн өдрийг Эрдэнэт хотын хэмжээнд гэр бүлийн өдөр болгохоор шийдвэрлэснээ дуулгалаа. Тухайн өдөр хотын хэмжээнд архи согтууруулах ундаа худалдан борлуулахыг хориглож, автомашингүй, илүү цагаар ажилладаггүй байх шийдлийг судалж байгаагаа онцоллоо. Уг саналыг Орхон аймгийн Эмэгтэйчүүдийн зөвлөлөөс дэвшүүлсэн байна.

Дашрамд дурдахад, НҮБ-аас жил бүрийн 5-р сарын 15-ныг Дэлхийн гэр бүлийн өдөр болгох шийдвэрийг гаргаад 25 жил өнгөрч буй.  Монгол Улс дээрх өдрийг ийнхүү 14 дэх жилдээ тэмдэглэж байна.

Эх сурвалж: Еtcity.mn


Санал болгох

Сэтгэгдэл

top