Хэрэв дэлхий 100 хүнтэй тосгон байсан бол...

Хэрэв дэлхийг 100 хүнтэй нэг жижиг тосгон хэмээн төсөөлвөл...12 нь хятадаар, тав нь испаниар, тав нь англиар, гурав нь арабаар, гурав нь хинди хэлээр ярьж чаддаг. Энэ "тосгон”-д 50 эрэгтэй, 50 эмэгтэй, 26 хүүхэд, 74 насанд хүрэгч, 60 ази, 15 африк, 14 америк, 11 европ амьдардаг ажээ. Тосгоны 100 хүний 33 нь христийн шашин шүтдэг бол, 22 нь лалын шашинтан, 14 нь хинди шүтлэгтэй, долоо нь буддын шашинтнууд. Тосгоныхны 83 нь бичиг үсэгт тайлагдсан ч үлдсэн 17 нь огт уншиж бичиж чаддаггүй. Ердөө долоон хүн л дээд боловсрол эзэмшсэн, 22 нь компьютер хэрэглэдэг. Ихэнх хүн нь буюу 77 нь өөрийн гэсэн орон гэртэй ч 23 нь орох оронгүй. Нэг нь өлсгөлөнгөөс болоод хорвоог орхих дөхөж байхад 21 нь илүүдэл жингээсээ болоод эрүүл мэндийн асуудалтай тулгарч буй.
Энэ мэтчилэн маш сонирхолтой тоон баримтуудаар өнөөгийн дэлхий ертөнцийн бодит байдлыг маш амар дөхмөөр ойлгуулж чадах "Хэрэв дэлхийг нэг тосгон гэж төсөөлвөл” хэмээх ном нэг үе олны сонирхлыг ихэд татаж байсан юм.
Уг номны тоо баримтыг ашиглан бүтээсэн инфографик мэдээллийг сонирхуулж байна.

Хэрэв дэлхий 100 хүнтэй тосгон байсан бол...

Санал болгох

Сэтгэгдэл