Орхон аймаг гэр хорооллын 7 багт 2126 айлын орон сууц барина

Гэр хорооллыг орон сууцжуулах, утааг багасгах зорилгоор Орхон аймаг"Орлогод нийцсэн орон сууц”хөтөлбөрийг хэрэгжүүлж байна.

Хөтөлбөрийн хүрээнд долоон багт нийт 2126 айлын орон сууц барина. Тухайлбал, Уртын гол багт 5 давхар 240, Цагаанчулуут багт 12 давхар 72, Их залуу багт 5 давхар 240, Эрдэнэ багт 5 давхар 270, Говил багт 5 давхар 240, Оюут багт 4 давхар 992 айл, Баянцагаан багт 5 давхар 72 айлын орон сууц барина.

Эдгээр орон сууцны 1 м.кв талбайг 1.4-1.6 сая төгрөгөөр худалдана. Шинээр барих орон сууцны 80 гаруй хувийг нь худалдаж үлдсэн 20 гаруй хувийг нь түрээслүүлнэ.

Үүнээс Оюут багт барих 992 айлын орон сууцны"Залуус”хорооллын инженерийн шугам сүлжээнд улсын төсвөөс 50 тэрбум төгрөг тусгасан бол үлдсэн 6 баг буюу гэр хороололд барих орон сууцны хороолол тус бүрт бие даасан эх үүсвэртэй дэд төв байгуулах юм. Үүнийг орон нутгийн төсвийн хөрөнгөөр хийх ажээ.

Түүнчлэн Орхон аймагт 2015-2021 онд 28 тэрбум төгрөгөөр 22 км орчим инженерийн шугам барьсан байдаг. Үүнээс 640 айл л дулаан авах боломжтой хэрнээ одоо хүртэл хашаандаа дулаанаа татаагүй байгаа ажээ.

Орхон аймаг гэр хорооллын 7 багт 2126 айлын орон сууц барина

Санал болгох

Сэтгэгдэл