Ирэх оны I сард “Миний гэр” цэцэрлэгийн өргөтгөл ашиглалтад орно

2002 онд манай аймагт "CICM” ОУ-ын байгууллагын санхүүжилтээр 40 хүүхдийн цэцэрлэг "Миний гэр” нэртэйгээр байгуулагдаж байсан. Өнөөдрийн байдлаар тус цэцэрлэгт Рашаант багийн 90 гаруй хүүхэд суралцаж байна. Тэгвэл эдний цэцэрлэг өргөтгөлийн барилгын ажлаа өнгөрсөн 6-р сараас эхлүүлсэн бөгөөд одоо ажил нь 90 гаруй хувьтай явж байгаа гэнэ.

Ингэснээр тус цэцэрлэг нэмж 60 хүүхэд хүлээн авах боломжтой болно. Өргөтгөлийн барилгын хувьд 600 сая төгрөгийн хөрөнгө оруулалт хийгдсэн. Ирэх оны 1-р сарын нэгнээс ажиллаж эхэлнэ. Тус цэцэрлэгийн өргөтгөл баригдахад орон нутгаас хэд хэдэн төрлийн дэмжлэг үзүүлжээ. Тодруулбал, Тус барилгын усны асуудлыг МОН 2301 төслийн шугамаас шийдэхэд 13 сая төгрөг зарцуулсан байна.

Мөн гал тогооны тоног төхөөрөмжийг нь орон нутгийн төсвөөс 16 төгрөгөөр шийдвэрлэжээ. Түүнчлэн тус цэцэрлэгийн хүүхдүүдийн тоогоор хувьсах зардлыг нь төрөөс олгож байгаа юм байна. "Миний гэр” цэцэрлэгт ихэвчлэн Рашаант багийн хүүхдүүд хамрагддаг. Тус багт цэцэрлэгийн насны 650 гаруй хүүхэд амьдардаг. Ирэх оны нэг сараас дээрх хүүхдүүдийн 150 нь "Миний гэр” цэцэрлэгт явж эхлэх нь.

Ирэх оны I сард “Миний гэр” цэцэрлэгийн өргөтгөл ашиглалтад орно

Санал болгох

Сэтгэгдэл