|

Төрийн далбаагаа өөрчилнө

saikhnaa 2015/12/11 635 0

Төрийн далбаагаа өөрчилнө

 

Шинэ Зеландын Засгийн газар өнгөрсөн онд төрийн далбаагаа шинэчлэх гэж буйгаа зарласан билээ. Жилийн хугацаанд 10 мянган гаруй уран бүтээлч өөрийн загвараа илгээжээ.

Өнгөрсөн тавдугаар сард тус улсын удирдлагууд дээрх загваруудаас шилдгийг шилдэг гэх дөрвөн загварыг сонгож, иргэдийнхээ дунд санал асуулга явуулахаар төвлөжээ.  Дээрх сонгогдсон загварууд нэг нэгэнтэйгээ адилхан байна гэх шүүмжлэлээс болж өнгөрсөн долоодугаар сард дахин нэг загварыг нэмж, нийтдээ таван загвараас иргэд шилдгийг тодруулахаар болсон юм.

Төрийн далбаагаа өөрчлөх санал асуулга өчигдөр 19.00 цагт эхэлсэн бөгөөд 13-аас дээш насныхан саналаа өгөх боломжтой аж. Өнгөрсөн тавдугаар сард явуулсан санал асуулгаар нийт иргэдийн 43 хувь нь төрийн далбаагаа өөрчлөхийг хүсдэг хэмээн хариулжээ.

Тус улсын төрийн далбаанд Их Британийн төрийн далбааны "Union Jack” гэх дизайн орсон юм. Засгийн газар төрийн далбаагаа шинэчлэх ажилд нийтдээ 18 сая ам.долларыг төсөвлөсөн байна.

 

Б.Дэлгэрцэцэг

Санал болгох

Сэтгэгдэл

top