|

Грекийн облигацийг зээлийн барьцаанд авахгүй

tonshuul 2015/02/06 2255 220

Грекийн облигацийг зээлийн барьцаанд авахгүй

 

АФИН. /ITAR-TASS/. Грек улсын облигацийг хоёрдугаар сарын 11-нээс эхлэн зээлийн барьцаа болгож авахгүй байх тухай гэнэтийн шийдвэрийг Европын Төвбанк /ЕТБ/ лхагва гарагт гаргажээ. Энэ тухай Афинд нийтлэгдсэн тус банкны мэдээлэлд дурдсан байна.

Грекийн банкууд үнэт цаас барьцаалан санхүүжилт авсан хэвээр байгаа боловч ЕТБ-ны "ELA” буюу хөрвөх чадварыг хангах яаралтай тусламжийн хөтөлбөрөөр дамжуулан санхүүжиж байгаа юм. ЕТБ зөвшөөрсөн тохиолдолд энэ хөтөлбөрийн шугамаар Грекийн банкуудад мөнгө олгох ажээ. Арилжааны банкууд дээрх хөтөлбөрийн хүрээнд санхүүждэг боловч ЕТБ-ны сангийн энгийн санхүүжилтийн 0.05 хувийн хүүтэй харьцуулахад асар өндөр буюу 1.55 хувийн хүү төлдөг байна.

ЕТБ ийм гэнэтийн шийдвэр гаргасан нь олон улсын зээлдүүлэгчдийн "гурвал”-ын /ЕХ, ЕТБ, ОУВС/ зүгээс Грекийн санхүүгийн байгууллагуудын байдлыг эцэслэн дүгнэх боломжгүй гэж үзэж байгаа, түүнчлэн санхүүгийн тусламжийн шинэ хөтөлбөрийг хэлэлцэн зөвшилцөх саналыг Афинаас хүлээж байгаагийн шинж тэмдэг гэж шинжээчид дүгнэж байна.

Д.Жаргал montsame

Санал болгох

Сэтгэгдэл

top