Аймгийн хэмжээнд албан ёсны бүртгэлтэй 22 хөшөө, дурсгал байдаг

Орхон аймаг Эрдэнэт хотын түүхэн хөгжил, соёлтой холбоо бүхий албан ёсны бүртгэлтэй 22 хөшөө дурсгал аймгийн хэмжээнд байна.Үүнд: Майхан дурсгал хөшөө,Трактортай хөшөө-1974, А.Амарын хөшөө-1994он, Шувуун саарал баримал-1991, Ш.Отгонбилэгийн хөшөө-2002, Жанжнуудын хөшөө-1977, Найрамдлын өндөрлөг-1986, Илгээлтийн эздийн хөшөө-2013, Уурхайчдын хөшөө-, Эрдэнэт хаалга-1974-1980, Кувейтийн өндөрлөг-2007,Эрдэнэтийн овоо дууны хөшөө-2011, Ялалтын ой зориулсан хөшөө-2015 гэх мэтчилэн 22 хөшөө, дурсгалыг албан ёсоор бүртгэсэн байна.

Үүнээс хамгийн анхны гэгдэх хөшөө дурсгалыг Үйлдвэрчний эвлэлийн байрны урд байрлах Майхан дурсгал хөшөө хэмээн үздэг байна. Тус хөшөөг 1970-аад оны сүүлээр Геологичид, илгээлтийн эздийн анхны майхан сууцыг билэгдэж босгож байсан түүхтэй ажээ.Харин Монгол Оросын найрамдлын илэрхийлэл болсон өндөрлөг хөшөөг Эрдэнэт хотод зохион байгуулагдсан Монгол зөвлөлтийн залуучуудын найрамдлын 8-р их наадмын үеэр 2 орны ард түмний найрамдал хамтын ажиллагаа, шинэ Эрдэнэт хот, Эрдэнэт үйлдвэрийн барилга байгууламжийн түүхийг бэлгэдэн энэхүү хөшөө дурсгалт цогцолборыг Д.Майдарын эскизээр 1986 онд босгож байжээ.

Гэх мэтчилэн хөшөө дурсгал бүр өөр өөрийн түүхэн ач холбогдолтой Эрдэнэт хотын түүхэн соёл хөгжлийг агуулсан хөшөө дурсгалаа хайрлан хамгаалах чиглэлд иргэд олон нийтийн оролцоо чухал.Энэ онд аймгийн хэмжээнд байх хөшөө дурсгалыг арчлан хамгаалах, бүртгэлжүүлэх, хариуцах асуудлыг цогцоор нь авч үзсэн журам батлагдсан юм.

Дээрх хөшөө дурсгалаас гадна цаашид мөн бүртгэлд хамруулж хамгаалалтад авах шаардлагатай хөшөө дурсгалууд байгаа. Түүнчлэн хөшөө дурсгалыг шинэчлэн засварлах ажил хийгдэж байгаа нь сайн хэдий ч анхны хийцийг өөрчлөх дутагдал гарч байгаа гэдгийг соёл судлаач Д.Эрдэнэбат хэлж байна. Эрдэнэт хот байгуулагдсаны 40 жилийн ойг тохиолдуулан 40 бүтээлч ажил төлөвлөн хэрэгжүүлж байгаагийн нэг хөшөө дурсгалыг сэргээн засварлах ажил тусгагдсан байдаг. Энэ жилийн тухайд энэ ажилд 29 сая төгрөг төсөвлөгджээ.

Erdenetinfo.mn

Аймгийн хэмжээнд албан ёсны бүртгэлтэй 22 хөшөө, дурсгал байдаг

Санал болгох

Сэтгэгдэл