Нэр дэвшигчдийн сурталчилгааны самбарыг сүйтгэжээ

Орон нутгийн сонгуулийн сурталчилгаа эхлээд ердөө гурав хонож байна. Гэтэл Ардчилсан намаас нэр дэвшигчдийн сонгуулийн сурталчилгааны самбаруудыг эвдэж сүйтгэх явдал ихээр гарч байна.

Нэр дэвшигчийн самбарыг урсан этгээдийг нэг сарын хөдөлмөрийн хөлсний доод хэмжээг зургаагаас найм дахин нэмэгдүүлсэнтэй тэнцэх хэмжээний төгрөгөөр торгох юм байна.

Энэ нь нэг сая 152 мянган төгрөгөөс нэг сая 536 мянган төгрөгийн торгуультай. Сонгуулийн хуулийн 78.10.Сонгуулийн сурталчилгааны самбарыг хууль бусаар устгах, гэмтээх, бохирдуулахыг хориглоно.

78.11.Энэ хуулийн 78.10-т заасныг зөрчсөн аливаа этгээдийг нэг сарын хөдөлмөрийн хөлсний доод хэмжээг зургаагаас найм дахин нэмэгдүүлсэнтэй тэнцэх хэмжээний төгрөгөөр торгоно” хэмээн заасан байна.

Иймд Баян-Өндөр сумын Ардчилсан намын сонгуулийн штабаас энэхүү үйл явдалтай холбогдуулан шударгаар өрсөлдөхийг уриалж байна.

О.Гэрэлмаа

Эх сурвалж: Erdenetinfo.mn