БОЭТ-Д ШИНЭ ТОНОГ ТӨХӨӨРӨМЖ ОЛГОЛОО

Аймгийн Засаг дарга иргэд болон төрийн албан хаагчидтай уулзалт хийж ажлаа тайлагнахын зэрэгцээ тэдний санал хүсэлтийг хүлээн авсан. Үүний хүрээнд эрүүл мэндийн салбарынхантай хийсэн уулзалтын үеэр БОЭТ-ийн Цусны салбар банк, Төрөх, хүүхэд, нярайн эмгэгийг эмчлэх тасгийн агааржуулалтыг сайжруулах хэрэгтэй байгааг мэргэжилтнүүд хэлсэн.

Тиймээс өнөөдөр дээрх тасгуудад хөргөлтийн болон агаар сэлгэх тоног төхөөрөмж олголоо. Агаар цэвэршүүлэгч тоног төхөөрөмж нь ионжуулагчтай, 48м2 талбайн агаарыг цэвэршүүлэх хүчин чадалтай дээр утаа, харшил үүсгэгч нян бактери, тоосонцрыг 98 хувь цэвэршүүлнэ. Уг ажилд 3.3 сая төгрөг зарцууллаа.

Орхон аймгийн Засаг дарга Д.Батлут болон аймгийн удирдлагууд 2017 оны 1 дүгээр сарын 5-ны өдрөөс эхлэн 2 дугаар сарын 7-ны хооронд Орхон аймгийн бүх багуудаар болон төрийн байгууллагын албан хаагч нартай уулзалт зохион байгуулсан.

Нийт 21 удаагийн уулзалтаар 3697 иргэн, төрийн албан хаагчтай уулзсан байна. Уулзалтын үеэр давхардсан тоогоор 910 санал хүсэлт гаргаснаас 38 асуудлыг газар дээр нь шийдвэрлэжээ. Иргэдээс гарсан санал, шүүмжлэлийн мөрөөр асуудлуудыг багцлан 76 заалт бүхий ажлын төлөвлөгөө боловсруулан аймгийн Засаг даргын дэргэдэх Зөвлөлийн хурлаар хэлэлцүүлэн батлуулж төрийн болон төрийн өмчит байгууллагуудад хүргүүлэн ажил хэрэг болгон хэрэгжүүлж байна.

БОЭТ-Д ШИНЭ ТОНОГ ТӨХӨӨРӨМЖ ОЛГОЛОО

Санал болгох

Сэтгэгдэл