|

Ц.Нямдоржид өнгөт чулуу олборлогчидтой "тэмцэх"-ийг даалгав

saikhnaa 2018/07/04 105 0

Ц.Нямдоржид өнгөт чулуу олборлогчидтой "тэмцэх"-ийг даалгав

Сүүлийн жилүүдэд байгалийн өнгөт болон үнэт чулууг хууль бусаар олборлож, хил гаргах явдал ихсээд байгаа. Тухайлбал Хэнтий аймгийн Батноров суманд хууль бус чулуу түүгчид олширч, тэдэнтэй тэмцсэн Засаг дарга хүнд гэмтсэн удаатай. Тэгвэл Засгийн газрын өнөөдрийн хуралдаанаар  өнгөт чулуу худалдаж авдаг, дамжуулдаг, тээвэрлэдэг, хилээр хууль бусаар гаргадаг сүлжээ байгаа эсэхийг тогтоох, буруутай этгээдэд хүлээлгэх хариуцлагыг чангатгах чиглэлээр холбогдох хуулиудад нэмэлт оруулах санал боловсруулахыг сайд Ц.Нямдоржид даалгалаа.

Хэнтий аймгийн Батноров, Бор-Өндөр, Галшар, Дархан, Хэрлэн суманд өнгөт чулуу хууль бусаар олборлогчид олширч, байгаль орчин сүйтгэж байгааг орон нутгийн удирдлагууд хэлдэг. Тухайлбал тус аймгийн Батноров сумын 131 га газар хууль бус чулуу олборлогчдын үйл ажиллагаанаас болж эндэгджээ.

Энэ талаар тус сумын засаг дарга Г.Тайванжаргал "Байгалийн өнгөт чулуу олборлогчид газрыг 20 см-ээс 1 метр 50 см доош нь ухдаг. Түгээмэл тархацтай болохоор хаа ч хамаагүй ухаж, сэндийчээд л яваад байдаг. Энэ нь газрын хэвлийн ус, чийгийг тэнцвэржүүлдэг чулууг авснаар гол горхи ширгэж, байгаль эх дэлхийтэйгээ буруу харьцсанаас болж ган гачиг болж байна гэж бодож байна. Тэр хавийн тарвага дууслаа, байгаль орчин маш ихээр бохирдож байна” хэмээсэн.

Өнгөт чулуу 50 мянгаас 1-2 сая төгрөгийн үнэд хүрдэг байна.

Г.Тэгшсүрэн

http://www.shuud.mn/a/498619

Санал болгох

Сэтгэгдэл

top