|

"Эрдэнэт Булганы Цахилгаан түгээх сүлжээ" ТӨХК-ийн хамт олон оны шагналаасаа тусгай хэрэгцээт хүүхдүүдэд хандивлалаа

Altaa 2019/01/10 335 0
Орхон аймгийн 2018 оны шилдэг байгууллага болсон "Эрдэнэт-Булганы Цахилгаан түгээх сүлжээ ТӨХК” хамт олон шинэ оны босгон дээр 3 сая төгрөгөөр шагнагдсан билээ. Өмнөх 2017 онд улсад төлсөн татвар, борлуулалтын орлого, ажиллагсдын тоо, ашгийн хэмжээ, хөрөнгийн хэмжээ зэрэг үзүүлэлтээр өндөр үнэлгээ аван "Монголын ТОП 100" - 1 болж байсан. Харин 2018 онд аймгийнхаа шилдэгт "Эрдэнэт-Булганы Цахилгаан түгээх сүлжээ ТӨХК” зуузай холбон амжилт гаргажээ. Өдгөө бүтэц зохион байгуулалтын хувьд Булган, Архангай, Өвөрхангай, Хархорины гэсэн орон нутгийн 4 салбартай, төвдөө Захиргаа удирдлагын, Техникийн, Санхүү тайлан бүртгэлийн, Хяналтын, Эрчим хүч борлуулалт маркетингийн 5 хэлтэст харьяалагдах нийт 623 ажиллагсадтай. Нийгмийн хариуцлагынхаа хүрээнд ажилчиддаа зориулан орон сууцны хороолол барьж, 30 ажилтан шинэ байрны түлхүүрээ гардуулан хямд өртөгтэй орон сууцанд ажилчид нь амьдрах болсон. Харин өнөөдөр Эрдэнэ багийн нутаг дэвсгэрт байрлах Хөгжлийн бэрхшээлтэй 0-6 насны хүүхдүүдийн "Итгэлийн мод" ТББ-т шагналаасаа 500 000 төгрөг хандивлалаа. Тус төвд эдүгээ аав ээж нь тогтмол ажил эрхэлдэг 7 хүүхэд хамрагдаж явдаг. Өнөөдрийн өгсөн хандив тусламжийн үрээр ханиад томууны ид  энэ үед эм тариа, амин дэм, хоол хүнсэндээ зарцуулахад ихээхэн тус болохыг төвийн ажилчид онцолж байна. Гэрт дулаан, сэтгэлд гэгээ нэмэх сайхан мэргэжилтэй хамт олонд ажлын өндөр амжилт хүсэн ерөөж байна. Сайн үйлс бүхэн дэлгэрэх болтугай.

"Эрдэнэт Булганы Цахилгаан түгээх сүлжээ" ТӨХК-ийн хамт олон оны шагналаасаа тусгай хэрэгцээт хүүхдүүдэд хандивлалаа

 

"Эрдэнэт Булганы Цахилгаан түгээх сүлжээ" ТӨХК-ийн хамт олон оны шагналаасаа тусгай хэрэгцээт хүүхдүүдэд хандивлалаа

Санал болгох

Сэтгэгдэл

top