Ордууд хэрхэн хөгширдөг вэ?

Өөр ордонд төрсөн хүмүүс өөр хоорондоо зан араншин, амьдралыг харах өнцөг, ажилдаа хандах хандлагаар ялгардаг. Хэрэв ордуудын хөгшрөх явц нь хүртэл ялгардаг гэвэл та итгэх үү. Энэхүү нийтлэлээр та бүхэнд ордууд хэрхэн хөгширдөг тухай хүргүүлж байна.

Хонины орд

Хонины ордныхон өнөөдрөөрөө амьдардаг учир нас нэмлээ, хөгширлөө гэж санаа зовдоггүй. Тэд нас өндөр болсон ч залуу насны эрч хүчтэй байдаг. Мотоцикл унасан, аялалд дуртай 60 гарсан хонины ордныхонтой учрах нь энгийн үзэгдэл. Тэд өөрт болон бусдад мэдэгдэлгүй хөгширдөг бөгөөд үргэлж эрч хүчээр дүүрэн байна.

Үхрийн орд

Үхрийн ордныхон амттай, сайхан хоолонд дуртай. Энэ сул талаасаа болж нас нэмэхдээ илүүдэл жинтэй болох нь бий. Байгалиасаа зөрүүд үхрийн ордныхон хөгшрөх тусам улам зөрүүд болох тохиолдол байдаг. Гэхдээ тэд бусдаас илүү бэрхшээлийг тэсвэрлэх давах чадварынхаа ачаар урт насалдаг байна. Үхрийнхэн зөвхөн эртний танил болон гэр бүлийнхэнтэйгээ л харьцдаг болох нь бий. Тэд шинэ зүйлст дургүй болдог.

Ихрийн орд

Ихрийн ордныхон үргэлж амьдралын зорилготой, хүсэлт тэмүүллээр дүүрэн байдаг. Нас нэмэгдсэн ч тэдний хүсэл тэмүүлэл нь дундрахгүй. Тэднийг сайн дураараа тэтгэвэрт гаргах гэж хичээх хэрэгтэй болдог. Гэхдээ тэтгэвэрт гарсан ч шинэ ажилд хурдан орж, ажлын цаг дууссан ч ажил дээрээ суудаг юм. Өөрийн хариуцаж авсан ажил нь дууссан ч тэд шинэ ажил төвөггүй олдог.

Мэлхийн орд

Мэлхийн ордныхон хоёр өөр хэлбэрээр хөгширдөг. Зарим нь хүүхэд хэвээрээ хөгширдөг байхад зарим нь хүн болгоныг асарч, халамжилсан хүн болдог. Нас нэмэх тусам тэд бусдаас улам их хүндлэл шаардаж эхэлдэг. Мэлхийн ордныхон маш сайн эмээ, өвөө болдог. Тэд ач, зээ нартаа зориулж дуртай хоолыг нь хийж, парк болон кино үзүүлэхээр дагуулж явах дуртай байдаг. Мэлхийн ордны өвөө өөрийн мэддэг, чаддаг бүх зүйлээ ач, зээдээ зааж сургахыг хүснэ. Хэрэв ач, зээ нар нь тэдний зүтгэл чармайлтыг үнэлэхгүй байвал тэд зааж, сургахаа больдог байна.

Арслангийн орд

Арслангийн ордныхон нас нэмэхээрээ тайван, ухаалаг дүр төрхтэй болдог. Гэхдээ тэд нэр хүнд, бусдад үлгэр дууриалал болохыг хүсэх болно. Ялангуяа ойр дотнынхон дундаа хүндлэгдэхийг хүснэ. Арслангийн ордны хөгшчүүлийг орцны үүдний сандал дээр нарлаж суунгаа хүн болгонтой ярилцаж байхыг харах тохиолдол нь их. Учир нь тэд хэн юу хийж байгааг үргэлж мэдэж байхыг хүсдэг. Ихэнх тохиолдолд арслангийнхан орой тэтгэвэрт гардаг. Тэд залуу хойч үеийнхэнд өөрийн сурч мэдсэнээ зааж өгөх багш нь болохыг хүсдэг.

Охины орд

Охины ордныхон нас нэмэх тусам эргэн тойрныхоо хүмүүст улам их уцаартай хандаж эхэлдэг. Гэхдээ тэд үргэлж өөртөө болон эрүүл мэнддээ анхаарал тавьж, өөрийгөө байнга хөгжүүлдэг. Охиныхон нас өндөр болохдоо ухаалаг бөгөөд илүү хатуу хахир зантай болдог. Тэд гэр бүлийнхэндээ улам их шаардлага тавьж, алдаа дутагдал болгоныг нь шүүмжилж эхэлдэг.

Жинлүүрийн орд

Жинлүүрийнхэн өөрийн гадна төрхөндөө маш их анхаарал хандуулдаг. Тийм учраас тэд үрчлээсийг бий болгохгүйн тулд бүхнийг хийнэ. Гоо сайхны мэс засалчдын байнгын үйлчлүүлэгчид дотор жинлүүрийн ордныхон их байдаг. Ингэсний ачаар тэд 60 настайдаа ч бусдаас илүү харагдах нь бий. Гэхдээ жинлүүрийн ордныхон сайн эмээ, өвөө болж чаддаггүй. Учир нь тэд өөрсдөдөө хэтэрхий их анхаарал хандуулдаг.

Хилэнцийн орд

Хилэнцийн ордныхон нас нэмэх тусам хуримтлуулсан амьдралын туршлагаа бусадтай хуваалцах хүсэлтэй философич болдог. Заримдаа тэд өөрсдийн үзэл бодолдоо хэтэрхий үнэнч нэгэн болж хувирдаг. Гэсэн хэдий ч тэдний ихэнх нь маш сайн их сургуулийн багш болдог.

Нумын орд

Нумын ордныхон хөгшрөлтийн тухай бодохгүй байхыг маш их хичээдэг. Тэгсэн ч тэд энэ бодлоосоо салж чадахгүй. Тэд эргэн тойрныхоо хүмүүстэй хөгшрөлтийн талаар байнга ярилцаж, өөрийн гадаад төрхийг асууна. Ихэнх нумынхан ямар ч нэмэлт хүч хэрэглэлгүйгээр өндөр настай болсон ч сайхан харагддаг. Энэ нь тэд залуу наснаасаа өөрийн гадаад төрхөндөө анхаарч, зөв хооллодог байсны үр дүн юм.

Матрын орд

Матрын ордныхны хувьд амьдрал эсрэг урсгалаар өрнөдөг мэт санагдаж магадгүй. Тэд хүүхэд байхдаа "бяцхан өвгөн” шиг биеэ авч явдаг. Харин нас нэмэх тусам улам хүүхэд шиг зан нь чанар илэрч эхэлдэг. Матрын ордны өвөө, эмээ нартаа ач, зээ нар нь маш их хайртай байдаг. Учир тэд ач, зээ нартайгаа нас чацуу юм шиг л хамт сахилгагүйтдэг.

Бумбын орд

Бумбын ордныхон бага наснаасаа нас өндөр гартлаа гадна төрхөндөө их анхаарал хандуулдаг. Нас нэмэхээр тэд бусдын үгийг сонсохоо байж зөвхөн өөрийн үзэл баримтлалдаа итгэж эхэлдэг. Ийм ч учраас бумбын ордныхон 70 нас гараад бусдын үгэнд оролгүйгээр зөвхөн өөрийн шийдсэн зүйлээ хийдэг. Мөн бумбын ордныхон зөвхөн гадна төрхөөрөө хөгширдөг. Харин дотоод ертөнцдөө үргэлж залуу хэвээрээ үлддэг.

Загасны орд

Загасны ордныхон хөгшрөлтөөс маш их айдаг. Тэд хөгшрөхөөсөө өмнө маш ихийг хийж амжуулахыг хүсдэг. Ийм ч учраас тэд өөрсдийн юу хийж амжуулсан тухайгаа дүгнэх гэж их цаг зарцуулж, сэтгэл санаагаа тавгүйтуулдаг. Хэрэв тэд энэ тухай бодлоо хязгаарлаж чадвал аз жаргалтай байж чадна. Хүн сэтгэл санаагаар их унах нь хурдан хөгшрөлтийн нэг шалтгаан болдог шүү дээ.