ХОТ ТОХИЖУУЛАХ ГАЗРЫН ХИЙЖ ГҮЙЦЭТГЭСЭН АЖЛЫН 7 ХОНОГИЙН МЭДЭЭ

Орхон аймгийн Хот тохижуулах газраас өнгөрөгч 7 хоногт Их залуу, Наран багийн айл өрхүүдийн хог хаягдлийг ачиж тээвэрлэжээ. Мөн орон сууцны хорооллуудаас 642 шоо метр, албан газар, аж ахуйн нэгжүүдээс 224 шоо метр, эзэнгүй дүүрэг, гуу жалгаас 24 шоо метр хог болон 82 шоо метр хууррай шар өвс гээд нийт 2104 шоо метр хог хаягдлыг ачиж тээвэрлэжээ. Мөн шар усны үерээс сэргийлэн гэр хорооллын Шанд, Их залуу багуудын үерийн усны хамгаалалтын гуу жалгын хог хаягдлыг цэвэрлэн, ачиж тээвэрлэн, дарж устгасан байна.

Түүнчлэн Оросын булагаас 7-р хороолол, Барилгачдын талбайгаас Эрдэнэтийн шинэ угтах хаалга хүртлэх авто замын дагуух орчны хог хаягдлыг 3 дугаар сарын 31-ний өдөр 125 ажилтны бүрэлдэхүүнтэйгээр цэвэрлэн, хог хаягдлыг ачиж тээвэрлэв.

Мөн Найрамдал өндөрлөгийн самбаруудыг сэргээн засварлаж, өнгө үзэмжийг сайжруулан "Хотоо цэвэр цэмцгэр байлгах” уриа бүхий 17 ширхэг сурталчилгаа, анонс байрлуулжээ.

Хотын төвд орж ирсэн хариулгагүй 29 бод малыг хотоос гаргах ажил хийж, авто замын дагуух 37 ширхэг замын тэмдэг, тэмдэглэгээ, 1 болон 5 дугаар бичил хороолол дундах 5 ширхэг хогийн бункер сэргээн засварласан байна.

Энэ хугацаанд 26 нохой, СӨХ-үүдтэй хамтран 13 муур устгажээ.