|

Хоёр Солонгос Аюулгүй байдлын нэгдсэн бүсээс зэвсэг, цэргүүдийг буцаан татжээ

nomun 2018/10/26 413 0

 

Хоёр Солонгос Аюулгүй байдлын нэгдсэн бүсээс зэвсэг, цэргүүдийг буцаан татжээ

 

Солонгосын хойгийг хоёр хуваасан Цэрэггүй бүс дэх Аюулгүй байдлын нэгдсэн бүсээс цэрэг, зэвсгийг буцаан татах ажиллагааг хоёр Солонгос бүрэн хийж дуусгалаа гэж БНСУ-ын Батлан хамгаалах яам мэдэгдлээ.

БНСУ, БНАСАУ-ын цэргийн эрх баригчид болон НҮБ-ын командын төлөөлөгчид Аюулгүй байдлын нэгдсэн бүсээс зэвсэг, цэрэг, хамгаалалтын цэгүүдийг бүрэн татаж дуусгалаа гэж мэдэгдэв.

Гэвч хоёр Солонгос тус бүрийн 35 цэрэг уг бүсэд байрлах бөгөөд цэргүүд зөвхөн харуулын үүрэг гүйцэтгэх юм гэж мэдэгдэлд дурджээ.

Өнгөрсөн сард Пхеньян хотод болсон хоёр Солонгосын төрийн тэргүүн нарын дээд хэмжээний уулзалтын үеэр уг бүсийг зэвсгээс ангижруулахаар талууд тохиролцсон билээ.

Хоёр хоногийн дараа хоёр Солонгос болон НҮБ-ын төлөөлөгчид уг бүсэд зочилж, цэрэг, зэвсгийг бүрэн буцаан татсан эсэхийг шалгах ажээ.


Санал болгох

Сэтгэгдэл

top