"Увс хүнс”-ийн босс О.Амартүвшин "NEXT STOP”-д оны залуугаар шалгарсан. Тэрүүгээр сүржигнэж ийн шинэ жил хийх болсон бололтой. Олимпийн аварга Н.Түвшинбаяр "Олимпийн аварга-анхдагч” гэж шагнал аваагүй байхад, нэг намын дэргэдэх шагнал авчихаад ингэж сүржигнэх нь илүү байлтай. Ер нь улс төрд хөл тавихаар санаархаж яваа улс л энэ мэт шагналаа үзүүлэн пиардахдаа сурамгай. "Увс хүнс”-ийн залуучууд улс төрд  хөл тавихаар шийдсэн бололтой. Н.Цэрэнбат дэд сайд, төрийн нарийн бичгийн даргад өрсөлдөж, нэг албан тушаалын үзүүр шүүрч авсан. Харин О.Амартүвшин МҮХАТ-ын даргад өрсөлдөөд Б.Лхагважавт ялагдсан билээ.
"Увс хүнс”-ийн О.Амартүвшин авааль гэргий, хоёр хүүхдээсээ туурга тусгаарлаж өнгөрсөн жил 2007 оны мисс Гантуяатай нижгэр хурим хийсэн. Харин анхны эхнэрээ хүүхэд гаргаад царай алдсан гэж үзэх болсон бололтой. Учир нь мисс Гантуяагийн зурган дээр "Ийм хөөрхөн ээж байдаг гэж бодохоор хайрлахгүй байхын арга үгүй. Чамдаа хайртай шүү” гэж нялуурчээ. Уг нь олон жил ил далд ханилсаар байгаад өнгөрсөн жил албан ёсоор хурим хийж нэг гэртээ орсон улс, хайрын үгээ өдөр шөнөгүй, өглөө оройгүй хэлэх боломж бий ч олон нийтийн сүлжээгээр залуусыг дууриаж нялуурч байгаад О.Амартүвшин өөрийгөө эвгүй байдалд оруулав. Ийм хөөрхөн ээж байдгийг анх удаагаа харсан болохоор О.Амартүвшинд төрүүлсэн ээж нь ч, ууган хоёр хүүхдийг нь төрүүлсэн  авааль гэргий нь ч хөөрхөн харагдаагүй юм биш үү. Ер нь хүүхэд гаргаж ээж болсон бүсгүйчүүдийг о.Амартүвшин  хөөрхөн гэж боддоггүй бололтой. Анх удаа мисс Гантуяа ээж болсон ч хөөрхөн харагдаж, "Увс хүнс”-ийн боссын сэтгэлийг хөвсөлзүүлж, олон нийтийн сүлжээнд уулга алдахад хүргэсэн бололтой. WWW.TOVCHOO.MN