ФОТО: “Эрдэнэт Drift” тэмцээн амжилттай зохион байгуулагдлаа

Эрдэнэт хотын хамгийн анхны дрифт шоу өнгөрсөн амралтын өдөр амжилттай зохион байгуулагдлаа. Аюулгүй байдлыг дээд зэргээр сахиж, зохион байгуулалтын өндөр төвшинд болсон энэ удаагийн ”Эрдэнэт Drift” шоунд 11 тамирчин хурд, авьяас чадвараа сорьсон юм.

Тэмцээн нийтдээ дөрвөн үе шаттайгаар үргэлжилсэн бөгөөд нэгдүгээр үе тамирчид тойрог хэлбэртэй зассан талбайг тойрч эргэх хоёрдугаар үе жижиг 8 тоо хэлбэртэй зассан талбайг тойрч эргэх гуравдугаар үе том 8 тоо хэлбэртэй зассан талбайг тойрч эргэх дөрөвдүгээр үе том 8 тоо хэлбэртэй зассан талбайд "BATTLE” хийж өрсөлдсөн байна.

Ингээд тэмцээнд оролцогчдоос хурд хүч, авхаалж самбаа, ур чадвараараа

1-р байранд А.Хостулга /0250 ОРХ -TOYOTA VR25/
2-р байр байранд н.Өнөболд / 8727 УНҮ -TOYOTA JZX100/
3-р байр -С.Октябрь / 7694 ОРХ-TOYOTA JZX100/
Тусгай байр – н.Оюунбаяр / 6997 ОРХ-TOYOTA JZX100/ тус тус эзэлж өргөмжлөл үнэ бүхий зүйлээр шагнуулав.

Тус тэмцээнд Дархан хотын D-ZONE CLUB , DARKHAN HOBBY DRIFT CLUB-үүдийн тамирчид ирж үзүүлэх тоглолт үзүүлж олон нийтийг доргиосон байна.

Ерөнхий зохион байгуулагч:М1 КЛУБ

Эрдэнэт хотын гэрэл зураг сонирхогчдын МЭЛМИЙ бүлгэм