“Оны хүн”-ээр Путинийг сонгожээ

Израйлийн "The Jerusalem Post” сонин уншигчдынхаа дунд нээлттэй санал асуулга явуулж, "Оны хүн”-ийг тодруулсан тухай "www.jpost.com” мэдээллээ. Санал асуулгын дүнгээр тус улсын "Оны хүн”-ээр ОХУ-ын Ерөнхийлөгч В.Путин тодорчээ.

Өнгөрсөн оны арванхоёрдугаар сарын 29-ний өдөр явагдсан тус санал асуулгад өндөр боловсролтой 527 иргэн оролцож, өөрийн саналаа өгчээ. Саналаа өгсөн иргэдийн 29 хувь нь Путинийг "Дэлхийн шилдэг удирдагч” хэмээн дүгнэсэн бол нийт оролцогчдын 16 хувь нь Германы Канцлер Ангила Меркелийн төлөө саналаа өгч "Дүрвэгсдийн эх” гэсэн байна.

Сонины редакцаас Путинийг "Оны хүн”-ээрээ сонгосон шалтгааныг оролцогчдоос асуухад "Путиний ачаар Иракийн хэт даврагч "Халифын вант улс” бүлэглэлийн сүр хүч суларсан” хэмээн хариулжээ.

"Оны хүн” санал асуулгаас гадна иргэдээсээ "Палестинтэй дипломат гэрээ байгуулах эсэх талаар” асуусан байна. Санал асуулгад 1025 хүн оролцсон аж. Оролцогчдын 68 хувь нь үгүй гэсэн бол 22 хувь нь тийм хэмээн хариулжээ. Өнгөрсөн онд палестинчууд Израйльд халдлага үйлдэж, олон хүнийг хохироосон билээ.

Б.Дэлгэрцэцэг

“Оны хүн”-ээр Путинийг сонгожээ

Санал болгох

Сэтгэгдэл