Дэлхийн алдарт “Цөмөөхэй” балет 5 өдөр танхим дүүрэн үзэгчтэй байлаа

Нийслэлийн 375 жилийн түүхт ойг тэмдэглэн өнгөрүүлэх ажлын хүрээнд 2014 оны турш 6 чиглэлээр 116 ажлыг хийж, хэрэгжүүллээ.

Бүтээн байгуулалт, тохижилтын ажлаас гадна олон улсын форум, хэлэлцүүлэг, соёл урлагийн томоохон үйл ажиллагааг зохион байгуулсан бөгөөд түүхт ойн хаалтын ажиллагаа болгож дэлхийн алдарт "Цөмөөхэй” балетыг Улаанбаатар хотод амжилттай тоглолоо.Дэлхийн 5 тивд шинэ жилийн баярын өдрүүдэд тоглогддог тус балетыг нийслэлийн Засаг даргын дэмжлэгтэйгээр хүүхэд, багачууддаа зориулж "Монголын балетын хөгжил” сан Монгол Улсын Гавъяат Жүжигчин Д.Алтанхуягийн найруулгаар 12 дугаар сарын 24-нөөс 28-ны өдрүүдэд тоглосон юм. Тоглолтын тайз, декорац, хувцас хэрэглэлийг АНУ-ын "Бостон балет” компаниас худалдан авч, цоо шинэ найруулгаар нийслэлийн үзэгчдэд анх удаа хүргэсэн бөгөөд Япон улсын "К балет” компанийн гоцлол бүжигчин Д.Батболд болон ДБЭТ-ын балетын бүжигчид, сонгон шалгаруулалтаар шалгарсан 180 гаруй бяцхан хүүхдүүд оролцлоо. 5 өдөр 7 удаа тоглосон балетын тасалбар урьдчилж дууссан бөгөөд өдөр бүр танхим дүүрэн үзэгчидтэйгээр нийслэлчүүд дэлхийн алдарт балетыг үзлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Дэлхийн алдарт “Цөмөөхэй” балет 5 өдөр танхим дүүрэн үзэгчтэй байлаа

Дэлхийн алдарт “Цөмөөхэй” балет 5 өдөр танхим дүүрэн үзэгчтэй байлаа

Санал болгох

Сэтгэгдэл