“БАГШ ЛИГ-2018” ТЭМЦЭЭН ИРЭХ САРЫН ЗУРГААН ХҮРТЭЛ ҮРГЭЛЖИЛНЭ » ErdenetMedee.mn

|

“БАГШ ЛИГ-2018” ТЭМЦЭЭН ИРЭХ САРЫН ЗУРГААН ХҮРТЭЛ ҮРГЭЛЖИЛНЭ

Орхон/МОНЦАМЭ/ Орхон аймгийн Засаг даргын нэрэмжит ”Багш-лиг 2018” волейболын тэмцээн эхэллээ.
Гурав дахь жилдээ болж буй уг тэмцээнд 19 байгууллагын 24 багийн 231 тамирчин оролцож байна. Багууд хоёр бүс болон өрсөлдөж бүсээс шалгарсан нь медалийн төлөө тоглоно.
Энэ жилийн тэмцээнд их, дээд сургууль, цэцэрлэгийн багш нар оролцож байгаа нь онцлог юм. Тэмцээний нээлтийн үеэр аймгийн Засаг дарга Д.Батлут, " Нийтийн биеийн тамирыг хөгжүүлэхэд багш нарын үүрэг чухал. Багш өөрөө спортоор хичээллэж шавь нартаа үлгэр дуурайлал үзүүлэх хэрэгтэй” гэлээ. Тэмцээн ирэх сарын зургаан хүртэл үргэлжилнэ.

Б.Оюун-Эрдэнэ

Сэтгэгдэл

top