|

ОРХОН АЙМАГТ 4-5 ХОРГОДОХ БАЙР ШААРДЛАГАТАЙ ГЭНЭ

saikhnaa 2018/04/30 969 0

ОРХОН АЙМАГТ 4-5 ХОРГОДОХ БАЙР ШААРДЛАГАТАЙ ГЭНЭ

 

Орхон аймаг нь газар хөдлөлтийн идэвхтэй буюу онцгой бүсэд хамаардаг тул 4-5 хоргодох байр шаардлагатай гэнэ. Гэнэтийн гамшиг ослын үед олон нийтийн аюулгүй байдлыг хангах зорилгоор тухайн орон нутаг нь хүн амын тоондоо харьцуулж хэдэн хорогдох байр барих вэ гэдгээ тодорхойлдог. Орхон аймагт өмнө нь хоёр хоргодох байр байсан бөгөөд үүний нэг нь ашиглах боломжгүй, нөгөө нь аж ахуйн нэгжийн мэдэлд байдаг аж.
Иймд орон нутгийн төр захиргааны байгууллага, Улаан загалмайн хороо, Онцгой байдлын газар хамтран гамшгийн эрсдлийг даван туулах бодлого, хөтөлбөрийн хүрээнд хоргoдох байр байгуулах хэрэгтэй гэж  өнгөрсөн амралтын өдөр  болсон "Гамшгийн эрсдлийг даван туулъя” сургалтын үеэр дурдлаа.
Уг сургалтыг аймгийн Онцгой байдлын газар, Улаан загалмайн хороо хамтран зохион байгуулсан юм. Мөн "Жайка" олон улсын байгууллагын сайн дурын ажилтан Оцүки Мика, Юкава Чиака нар газар хөдлөлтийн үед иргэн бүрийн мэдэх ёстой мэдлэг, мэдээллийн талаар зөвлөгөө өглөө. Сургалтад "Газар хөдлөлтийн байнгын ажиллагаатай зөвлөл"-ийн гишүүд, Онцгой байдлын газрын алба хаагч, хэвлэл мэдээллийн ажилтнууд хамрагдсан юм.  
 Б.Оюун-Эрдэнэ
http://ardchilal.mn/33763.html

Санал болгох

Сэтгэгдэл

top