Гурвалсан гэрээг шинэчлэн байгууллаа

Аймгийн Боловсролын салбарт гэмт хэргээс урьдчилан сэргийлэх тухай хуулийг хэрэгжүүлэх, суралцагчдын дундаас гэмт хэрэг, зөрчил гаргах, гэмт хэрэг, зөрчилд өртөж болох шалтгаан нөхцлийг арилгах, сурагчдын эрхзүйн мэдлэгийг дээшлүүлэх зорилгоор Аймгийн Гэмт хэргээс урьдчилан сэргийлэх ажлыг зохицуулах зөвлөлөөс Аймгийн Боловсролын газар болон их, дээд сургууль, Мэргэжлийн сургалт үйлдвэрлэлийн төв, Ерөнхий боловсролын сургуулиудын захирлуудтай гэмт хэрэг, зөрчлөөс урьдчилан сэргийлэх чиглэлээр хамтран ажиллах гурвалсан гэрээ байгуулж ажилладаг.

2015 онд гэрээгээр хүлээсэн үүргээ хангалттай биелүүлж, гэмт хэргээс урьдчилан сэргийлэх чиглэлээр хийсэн ажлаараа тэргүүлсэн сургуулийн ажлын туршлагаас хуваалцаж, 2016 оны гэрээг шинээр байгуулах ажлыг өнөөдөр зохион байгууллаа.Сурагчдыг гэмт хэрэг, зөрчилд өртөхгүй байх нөхцлийг бүрдүүлэх, урьдчилан сэргийлэх чиглэлээр хийсэн ажлаараа энэ жил Говил багийн Хоёрдугаар сургууль тэргүүлсэн бол Эрдэнэт цогцолбор сургууль хоёрдугаар байр, 17-р сургууль 3-р байр эзэлсэн байна.

Тэргүүн байр эзэлсэн Говил багийн Хоёрдугаар сургууль ажлын туршлагаасаа энэ үеэр хуваалцаж гэмт хэргээс урьдчилан сэргийлэх чиглэлээр хийсэн ажлуудаа танилцууллаа.Мөн ирэх 2016 онд мөрдөж ажиллах гэрээг бүх сургуулиудтай шинээр байгууллаа. Гэрээ байгуулах ажиллагаанд Аймгийн Гэмт хэргээс урьдчилан сэргийлэх ажлыг зохицуулах зөвлөлийн гишүүд, Аймгийн Боловсролын газрын дарга, сургуулийн захирлууд оролцлоо.

Н.Батцэрэн

Гурвалсан гэрээг шинэчлэн байгууллаа

Санал болгох

Сэтгэгдэл