Их залуу багийн 15 дугаар сургуулийн барилгын ажлын гүйцэтгэлтэй танилцлаа.

Их залуу багт баригдаж байгаа 15 дугаар сургуулийн барилгын ажлын явцтай аймгийн Засаг даргын Тамгын дарга В.Сумъяасүх, Хотын захирагчийн албаны мэргэжилтэн Б.Одгэрэл, АЗДТГ-ын Нийгмийн хөгжлийн хэлтсийн Боловсролын асуудал хариуцсан ажилтан Г.Уянга, Барилга, захиалагчийн албаны холбогдох хүмүүс газар дээр нь очиж танилцлаа.
15 дугаар сургуулийн барилгыг 2011 онд барьж эхлүүлсэн бөгөөд нийт төсөвт өртөг нь 2339,5 сая төгрөг юм. 2015 онд улсын төсвөөс 959,4 сая төгрөг олгохоор батлагдсан. Барилгын ажлыг "Урагшлах" ХХК гүйцэтгэж, өнөөдрийн байдлаар ажлын гүйцэтгэл 90 гаруй хувь явж байна.
Тус сургуульд шилжин суралцах сурагч, багш нарын судалгааг гарган, зохион байгуулалтын арга хэмжээ авч, ахлах ангиудын хичээлийг "Наран" цогцолбор сургууль дээр эхлүүлсэн. "Наран" цогцолбор сургууль, "Эрдэнэт" цогцолбор сургуулийн 12 дугаар бага сургуулиудаас нийт 600 гаруй сурагч, 17 багш 15 дугаар сургуульд шилжин суралцана.

Боловсролын газрын мэдээлэл:

15-р сургуулийн хичээлийн үйл ажиллагаа эхлэхтэй холбогдуулан шилжүүлэн сургах сурагч, багшийн судалгааг нэгтгэж гаргалаа. Нийт 600 гаруй сурагч 17 багш шилжин суралцах болсон. Ахлах ангийн хичээл "Наран” ЦС дээр I/19-нд эхэлнэ. Сургалтын үйл ажиллагаатай холбоотой зааварчилгаа, зөвлөмж өгсөн.

эх сурвалж: erdenet.mn