|

Орхон аймагт хүүхдээ хаясан ээжийг эрэн сурвалжилж олжээ

saikhnaa 2016/01/04 658 0

Орхон аймагт хүүхдээ хаясан ээжийг эрэн сурвалжилж олжээ

 

Сүүлийн үед төрүүлсэн үрээ төөрүүлж хаях тохиолдол гарсаар байгаа. Өнгөрсөн онд гэхэд ийм төрлийн гэмт хэрэг цагдаагийн байгууллагад долоон удаа бүртгэгджээ. Өнгөрсөн арванхоёрдугаар сард гэхэд Орхон аймагт дөнгөж төрсөн нярайг орцонд орхисон бол, нийслэлд ой гарантай охиноо орцонд унтуулж орхичихоод хаясан хэрэг бүртгэгдсэн байгаа. Охины хувьд ЭХЭМҮТ-д хэвтэн эмчлүүлж байгаа бөгөөд асрамжийн газарт хүргэгдэхээр болсон байгаа юм.

Харин Орхон аймагт хүүгээ хаясан ээжийг орон нутгийн хэмжээнд эрэн сурвалжилж эхэлсэн бөгөөд сэжигтэн этгээдийг олжээ. Энэ талаар тус аймгийн Цагдаагийн хэлтсээс тодруулахад "Хүүхдээ хаясан ээжийг олсон тул эрэн сурвалжлах ажиллагааг зогсоосон. Одоогоор мөрдөн байцаалт эхэлсэн тул ямар зорилготой орхисон талаар хэлэх боломжгүй” гэв.

О.Сайхан

Санал болгох

Сэтгэгдэл

top