ГАДААД ПАСПОРТЫГ ШИНЭЧИЛНЭ

Улсын бүртгэл, статистикийн ерөнхий газраас энэ оны сүүлээр иргэдийн гадаад паспортыг олон улсын стандартад нийцүүлэх зорилгоор шинэчлэхээр төлөвлөжээ. Эдүгээ Монгол Улсын иргэд 2002, 2006 оны загвар бүхий гадаад паспорт ашигладаг. Түүнд чип байдаггүй, хугацааг нь сунгахдаа улсын бүртгэгчид гараар бичилт хийдэг зэргээр цаг үе, дэлхийн стандартаас хоцрогдсон гэж үзжээ. (Чип гэдэг нь тухайн иргэний тухай мэдээллийг аливаа улсын хил дээр эрх бүхий байгууллага тайлж уншиж болох нууцлал бүхий гялтганасан наалт юм).

Чиптэй паспорт нэвтрүүлснээр Монгол Улсын иргэд хилээр гарах, олон улсын виз мэдүүлэхэд хялбар болох аж. Шинэ паспортын тендерт Унгар Улсын Үнэт цаас, мөнгөн тэмдэгт үйлдвэрлэлийн компани ялжээ. Унгарын ерөнхий сайдын айлчлалын үеэр хоёр тал хамтын ажиллагааны гэрээ байгуулсан бөгөөд эдүгээ паспортын бэлдэц хүлээн авах ажлаа эхлүүлсэн байна.

Шинэ гадаад паспортыг энэ оны сүүлийн хагасаас хэрэглээнд нэвтрүүлэхээр төлөвлөжээ . Өндөр нууцлалтай, чиптэй паспорт авах уу, эсвэл хуучин хувилбараа хэрэглэх үү гэдгээ иргэд өөрсдөө шийдэх боломжтой аж. Гэхдээ 2017 оны сүүлч гэхэд Монгол улсын насанд хүрсэн бүх иргэн шинэчилсэн гадаад паспорттой болсон байх ёстой аж. Шинэчилсэн паспортын хувьд чиптэй гэдэг утгаараа өндөр нууцлалтай, сунгалт хийлгэх шаардлагагүй юм байна.

ГАДААД ПАСПОРТЫГ ШИНЭЧИЛНЭ

Санал болгох

Сэтгэгдэл