Алдангийн мөнгийг юунд зарцуулсан бэ?

Эрчим хүчний тухай хуулийн дагуу хэрэглэсэн эрчим хүчнийхээ төлбөрийг хугацаандаа тлөөгүй бол хэрэглэгч алданги төлөх ёстой байдаг. Алдангийн хэмжээ болон, тооцож эхлэх хугацааг эрчим хүч түгээн борлуулагч ААН болон хэрэглэгч хооронд байгуулсан гэрээнд заасан нөхцлийн дагуу тогтоодог.

Манай хотын эрчим хүчний хэрэглээг Эрдэнэт Булганы ЦТС ТӨХК, Эрдэнэт Ус ДТС ОНӨХК хангадаг. Эрдэнэт Булганы ЦТС ТӨХК-ийн хувьд хэрэглэгчийн сарын эрчим хүчний хэрэглээний бичлтийг сар бүрийн 5-нд хийдэг. Үүнээс хойш хэрэглэгч эрчим хүчний хэрэглээний төлбөрөө тав хоногийн дотор төлөх үүрэгтэй. Үүнээс хойш 0.5 хувийн алданги тооцдог байна. Өнгөрсөн онд тус компани алдангид нийтдээ 363.8 сая төгрөг төвлөрүүлсэн байна. Үүний270орчим сая төгрөгийг буюу 70 хувийг тоног төхөөрөмж түүний засвар үйлчилгээнд зарцуулсан гэнэ. Үлдсэн хувийг нь тоолуур баталгаажуулах ажилд зарцуулсан гэнэ. Тус компанийн хэрэглэгчдээс авсан алдангийн зарцуулалтыг Эрчим хүчний яам болон ТУЗ-өөс нь шийдвэрлэдэг гэнэ.

Тус компани энэ оны эхний улирлын байдлаар алдангид 70 сая төгрөгийг хэрэглэгчдээс аваад байгаа юм байна. Харин Эрдэнэт Ус ДТС ОНӨХК-ийн алданги тооцох хугацаа нь сар бүрийн 10-аас хойш. Хэмжээний хувьд 0.3 хувь юм. Тус компани алдангийн мөнгөө юунд зарцуулдаг талаар мэдээлэл өгөх албан тушаалтан нь одоогоор эзгүй байгаа тул бид мэдээлэл авч чадсангүй.

Эх сурвалж: Etmedee.mn

Алдангийн мөнгийг юунд зарцуулсан бэ?

Санал болгох

Сэтгэгдэл