Б.Гантөмөр түрүүлж аймгийн АРСЛАН цол хүртлээ

Үндэсний их баяр наадам, Монголын Тулгар төрийн 2225 жил, Их Монгол улсын 810 жил, Ардын хувьсгалын 95 жил, Эрдэнэт хот байгуулагдсаны түүхт 40 жилийн ой, Хангайн бүсийн Их хурд уралдаанд зориулсан аймгийн цол олгох хаалттай барилдаан өчигдөр боллоо.

Тус барилдаанд Булган аймгийн Сэлэнгэ сумын харъяат Эрдэнэт үйлдвэрийн Хангарьд клубын бөх Аймгийн заан Б.Гантөмөр түрүүлж аймгийн Арслан цол хүртсэн бол Баян-Хонгор аймгийн харъяат, Орхон аймгийн Хангарьд клубын бөх аймгийн хурц Арслан Болдын Эрдэнэхүү үзүүрлэлээ.

Их шөвөгт Өвөрхангай аймгийн харъяат Хангарьд клубын бөх аймгийн арслан Тавхайн Чулуунгэрэл, Орхон аймгийн Баян-Өндөр сумын Ирээдүй Одод сургуулийн бөх сумын заан Ө.Батзул нар тус тус шалгарлаа.

Түрүүлсэнд аймгийн заан Гантөмөрт аймгийн Арслан цол 2 сая төгрөг, Их шөвгийн дөрөвт үлдсэн Б.Эрдэнэхүү Т.Чулуунгэрэл чимэг нэмж, сумын заан Ө.Батзулд аймгийн Харцага цол тус тус олгосон байна.

Гэрэл зургийг Л.Эрдэнэбат

Сэтгүүлч О:Гэрэлмаа

Эх сурвалж:Erdenetinfo.mn

Линк: http://erdenetinfo.mn/post/5620