НЭГ САЯ АМ.ДОЛЛАРЫН ХӨРӨНГӨӨР “АЮУЛГҮЙ АЖИЛЛАГААНЫ ТӨВ” БАЙГУУЛНА
МАН-ын Нарийн бичгийн дарга Ц.Бат-Энх манай аймагт ажиллаж байна. Түүнтэй хамт Барилга, хот байгуулалт, Хүнс, хөдөө аж ахуй, Хөдөлмөр, нийгмийн хамгаалал, Уул уурхай, хүнд үйлдвэрлэлийн дэд сайд ирсэн байна. Тэд аймгийн Цагдаагийн газрын үйл ажиллагаатай танилцлаа.
Энэ үеэр Австри улсын Засгийн газрын хөрөнгө оруулалтаар манай аймагт "Аюулгүй ажиллагааны төв” байгуулахаар болсон талаарх мэдээллийг тус газрын дарга, Хурандаа А.Батбаяр хийсэн юм. Нэг сая ам.долларын хөрөнгө оруулалт хийх энэ төвд Цагдаа, Онцгой байдлын газар, Түргэн тусламж, Шүүхийн шинжилгээний алба зэрэг хууль хяналтын байгууллагууд байрлах юм. Ингэснээр гэмт хэрэг, зөрчил, гал түймрийг таслан зогсоох, урьдчилан сэргийлэх үйл ажиллагаа нэг дор төвлөрөхөөс гадна Түргэн тусламжийн үйлчилгээг иргэдэд богино хугацаанд хүргэх боломж бүрдэнэ гэж үзэж буйгаа аймгийн Засаг дарга Д.Батлут онцолсон.
Өнөөдрийн байдлаар аймгийн Цагдаагийн газарт барилга байгууламжийн засвар, машин техникийг сайжруулахад 240 орчим сая төгрөгийн хөрөнгө оруулалт хэрэгтэй гэнэ. Уг асуудлыг шийдвэрлэх зардлыг төсөвт суулгасан гэдгийг ч аймгийн Засаг дарга Л.Батлут уулзалтын үеэр танилцуулсан юм. Мөн хотын хэмжээнд суурилуулсан камеруудыг бүрэн хүчин чадлаар ажиллуулахад шаардлагатай 20 сая төгрөгийг төсвөөс шийдвэрлэхээр болсон. Эрдэнэт хотод нийтдээ 189 камер суурилуулсан. Одоогоор 120 орчим нь ажиллаж үлдсэн нь эвдэрч, гэмтээд байна. Дээр дурдсан хөрөнгөөр гэмтэлтэй камеруудыг бүрэн засварлах боломжтой гэж аймгийн Цагдаагийн газрын дарга үзэж байгаа юм байна.
Мэдээллийн төв
Санал болгох
- 2016/12/02 12:23
- 2016/08/18 12:30
- 2016/06/17 17:33
- 2016/04/02 16:09
- 2016/02/19 14:34
Сэтгэгдэл
Монгол Улсын ГВУН 4.9 тэрбум доллар давлаа
2024/11/27
АНУ: Газпромбанкны хориг Монголд нөлөөлөхгүй
2024/11/25
Урамшуулалт аяны тохирлын эзэд тодорлоо
2024/11/19
УИХ-ын нэр хүнд түр унав уу, бүр ойчив уу?
2024/11/13
Уушгины хатгаа гэж юу вэ?
208706
Витаминлаг өндөгний ороомог
205186
Модон хонь жилийн засал
204644
Амар мэндийн чулуун жуух
204311
ҮҮЛС БҮЖИГЛЭХ ЦАГААР...
203881
