Хаяа тэлсэн Эрдэнэт

Эрдэнэт хот орон сууцны шинэ хорооллуудаар өргөжин тэлж байна. Аймгийн ИТХ-аас орон сууцны шинэ хорооллуудын төлөвлөгөөг баталж, барилгын салбарыг орон нутгаас дэмжиж, хамтран ажилласнаар 2013-2015 онд Орхон аймаг, Эрдэнэт хотод нийтдээ 1210 айлын орон сууц ашиглалтад орсон бөгөөд 603 айлын 9 орон сууцны барилга одоо үргэлжлэн баригдаж байна. Энэ нь өмнөх 4 жилтэй харьцуулахад 6 дахин олон орон сууц баригдсан үзүүлэлт юм. Эрдэнэт хотыг орон сууцжуулах асуудлыг тусган хэрэгжилтийг хангах ажлыг зохион байгуулснаар 7, 7а, Эко хорооллууд, 2а, 1а, Залуус, Төгөл зэрэг хорооллын барилгажилтын ажлууд үе шаттайгаар хийгдэж байна. Ипотекийн 8 хувийн зээл хэрэгжсэнээр орон сууцны борлуулалт нэмэгдэж, иргэдийн сар бүр төлдөг зээлийн эргэн төлөлтийн хэмжээ багасч, олон зуун айл өрх, орон сууцанд амьдрах боломжийг нээсэн чухал ач холбогдолтой ажил болсон юм.

Хаяа тэлсэн Эрдэнэт

Санал болгох

Сэтгэгдэл