Эрдэнэт хотын гудамж, талбайн 950 гэрэл асахгүй байна

АЗДТГ-ын Хотын захирагчийн албанаас энэ сарын 15-ны өдрийн байдлаар манай хотын 21 багийн гудамж талбайн 950 гэрэл асахгүй байгааг тогтоожээ. Энэ нь хотын нийт гэрлийн 10 гаруй хувь гэсэн үг юм.

Асахгүй байгаа гэрэлтүүлгийн 112-ынх нь шон толгой унаж гэмтсэн бол үлдсэн 840 орчим гэрэл нь кабелийн гэмтэлтэй. Тиймээс хотын гэрэлтүүлгийг хариуцдаг буюу ашиглагч байгууллага болох"Эрдэнэт ус Дулаан түгээх сүлжээ” ОНӨХК-д дээрх хэсгүүдийн гэрлийг яаралтай засч, асаах үүрэг даалгавар өгсөн байна.

Шон, толгой унасан 112 гэрэл нь гадны нөлөөтэй гэмтсэн гэсэн үг. Үүнийг гэмтээсэн этгээдүүдийг олж хохирлыг барагдуулах асуудлаар Цагдаагийн газарт хандсан боловч төдийлөн үр дүнд хүрэхгүй байгаа гэнэ.

Харин кабель холболтын гэмтлээс үүдэж асахгүй 840 орчим гэрэл нь нэр бүхий багийн нутаг дэвсгэр тэр аяараа гэрэлгүй болоход хүргэсэн байна.

Тухайлбал, Оюут, Булаг, Баянцагаан, Уртын гол багийн нутаг дахь гудамж талбайн гэрэлтүүлэг бүгд асахгүй байгаа юм.

Эх сурвалж: http://erdenetinfo.mn/post/5642

Сэтгүүлч Ч.Энхчулуун