Ш.Отгонбилэг агсныг "Эрдэнэт дээд өргөмжлөл"-өөр нэхэн шагнав

Монгол Улсын төр, нийгмийн зүтгэлтэн Ю.Цэдэнбалын нэрэмжит Эрдэнэт үйлдвэр ХХК-ийн Ерөнхий захирлын 2016 оны 11 сарын 28-ны өдрийн А/740 тоот тушаалаар Монгол Улсын Хөдөлмөрийн баатар, Улсын Их Хурлын гишүүн асан Шагдарын Отгонбилэг агсныг тус компанийн "Эрдэнэт дээд өргөмжлөл” медалиар нэхэн шагналаа.

Монгол Улсын ХХ зууны манлай бүтээн байгуулалт Эрдэнэт үйлдвэрийн хөгжил дэвшилд оруулсан түүний хувь нэмрийг өндрөөр үнэлж, энэхүү дээд шагналыг хүртээж байна. Шагдарын Отгонбилэг агсан Монгол-Оросын хамтарсан уулын баяжуулах "Эрдэнэт” үйлдвэрийн анхны монгол ерөнхий захирлаар ажиллаж байсан юм.

Мөн өдрийн А/741 тоот тушаалаар ХХ зууны манлай бүтээн байгуулалт Эрдэнэт үйлдвэрийн хөгжил дэвшилд оруулсан хувь нэмрийг үнэлж, Монгол Улсын анхны Ерөнхийлөгч Пунсалмаагийн Очирбат, Геологи уул уурхайн яамны сайд асан Дугарын Рэнцэнханд, Геологи уул уурхайн үйлдвэрийн сайд асан Чойжингийн Хурц, Геологи, эрдэс баялгийн яамны сайд асан Доржийн Цогбаатар, Монгол-Оросын хамтарсан "Эрдэнэт” үйлдвэрийн Ерөнхий захирал асан Дамбийн Дорлигжав, Халзхүүгийн Наранхүү, Монгол-Оросын хамтарсан "Эрдэнэт үйлдвэр” ХХК-ийн Ерөнхий захирал асан Чимиддоржийн Ганзориг нарыг Эрдэнэт үйлдвэр ХХК-ийн "Эрдэнэт дээд өргөмжлөл” медалийг тус тус хүртээсэн байна.

Ш.Отгонбилэг агсныг "Эрдэнэт дээд өргөмжлөл"-өөр нэхэн шагнав

Санал болгох

Сэтгэгдэл