Ц.Батхуягийг аймгийн Засаг дарга болгох тохироо хийгдсэн үү?

Өчигдөр Орхон аймгийн АН хуралдаж даргаа сонголоо. Улаанбаатар хотоос УИХ-гишүүн М.Батчимэг ирж Орхон аймгийн АН-ын тамгыг өвөртлөөд буцаж байна. Намын даргыг сонгох санал хураалтанд 79 хүн оролцож М.Батчимэг 40 хүний санал, Ц.Батхуяг 39 хүний санал авч ердөө ганц хүний саналаар илүү ялалт байгуулжээ.

М.Батчимэгийн хувьд УИХ-ын ирэх сонгуульд Орхон аймгаас нэр дэвших мөрөөдлийг 2012 оноос тээж яваа билээ. Орхон аймагт байнга ирж нүүрээ харуулах шалтаг олдохгүй байгаа учраас ийнхүү Орхон аймгийн АН-ын даргад сүр далайлган бүхий л боломжит хүчийг ашиглан байж дарга боллоо. Боломжит хүч гэдэг нь АН-ын "Эрдэнэт” үйлдвэрийн захирлуудаар дэмжүүлж тэр байтугай Монгол улсын Ерөнхийлөгч Ц.Элбэгдорж миний ард байдаг, мөн УИХ-ын дарга З.Энхболд намайг дэмжиж наашаа явууллаа гэсэн мэссэж хаян байж нэг хүний саналын илүүгээр ялалт байгуулсан гэж хэлж болно.

Орхон аймгийн АН-ын дарга болохдоо ямар ч тохироо хийсэн байж болох талтай. Түүнтэй хүч тэнцвэргүй тулаанд орсон Баяжуулах фабрикийн орлогч дарга, Орхон аймгийн ИТХ дахь АН-ын бүлгийн дарга Ц.Батхуяг аймгийн Засаг дарга болохоор тохиролцсон гэсэн яриа Ардчиллын ордноос хальж саарал ордон хавиар чих дэлсэж эхэллээ.

erdenetinfo

Ц.Батхуягийг аймгийн Засаг дарга болгох тохироо хийгдсэн үү?

Санал болгох

Сэтгэгдэл