|

Хадгаламжийн хүүгээс татвар авах хугацааг хойшлуулна

saikhnaa 2015/12/03 971 0
Хувь хүний орлогын албан татварын тухай хуульд нэмэлт, өөрчлөлт оруулах тухай хууль ирэх оны нэгдүгээр сарын 1-нээс хэрэгжиж эхэлнэ. Энэ дагуу иргэдийн хадгаламжийн хүүгийн орлогоос татвар авахаар болсон билээ.
 
Гэхдээ Сангийн яам Засгийн газраас уг хуулийг хэрэгжүүлж эхлэхэд эдийн засгийн хувьд хараахан боломж бүрэлдээгүй байгааг онцолж байна. Өөрөөр хэлбэл, эдийн засгийн хүндрэл, хямралтай байгаа үед иргэдийн хадгаламжийн хүүгийн орлогоос татвар авах нь зохисгүй гэж үзэж байгаа юм.
 
Энэ дагуу УИХ-д Хувь хүний орлогын албан татварын тухай хуульд өөрчлөлт оруулах тухай хуулийн төслийг өргөн мэдүүлээд байна. Уг хуулийн төслийг баталснаар хуулийн хэрэгжих хугацааг 2018 оны нэгдүгээр сарын 1-нийг хүртэл хойшлуулах юм. Өнөөдөр уг хуулийн төслийг УИХ-ын Төсвийн байнгын хороогоор өнөөдөр хэлэлцэж, чуулганы нэгдсэн хуралдаанаар хэлэлцэхийг дэмжлээ.

Санал болгох

Сэтгэгдэл

top