Ц.Алдармаа, Д.Оюунтуул нарыг шүүх хуралдаан эхэллээ

"Шинэ продакшн”-ы жүжигчин Ц.Алдармаа, Д.Оюунтуул нарт холбогдох шүүх хурал Дүүргийн Эрүүгийн хэргийн анхан шатны хоёрдугаар шүүхэд эхэллээ. Шүүх хуралд Хуралдаанд шүүгдэгч Ц.Алдармаа, Д.Оюунтуул нар өөрсдийн биеэр хүрэлцэн ирж оролцож байна.

Өнөөдрийн шүүх хурлаас нааштай хариу гарна гэж Ц.Алдармаа болон өмгөлөгч нар үзэж байгаа юм. Учир нь анхан шатны шүүх хуралдаанаас хойш Д.Оюунтуул БНСУ-д очиж эмчилгээгээ бүрэн хийлгээд байгаа ба эмчилгээний зардлыг Ц.Алдармаа бүрэн гаргасан.

Түүнчлэн мөрдөн байцаалтын явцад шинжээчийн дүгнэлт гарч, Ц.Алдармаа нь бусдын бие махбодид санаатайгаар хүндэвтэр гэмтэл учруулсан гэж гарсан юм. Өөрөөр хэлбэл, хүнд биш хүндэвтэр гэж гарчээ. Ингэснээр Ц.Алдармаад үүсгэсэн Эрүүгийн хуулийн тусгай ангийн 96 дугаар зүйл анги, 98 болж өөрчлөгдөх юм байна.

Тус зүйл ангид бусдын бие махбодид удаан хугацаагаар эрүүл мэндийг нь сарниулсан буюу хөдөлмөрийн чадварын гуравны нэгээс дээшгүйг алдагдуулсан гэмтэл санаатай учруулсан бол хоёр зуун тавин нэгээс дөрвөн зуун тавин цаг хүртэл хугацаагаар албадан ажил хийлгэх, эсхүл гурван жил хүртэл хугацаагаар хорих ял шийтгэнэ гэж заажээ. Мөн уг зүйл заалт нь "тэнсэн”-д хамрагдах боломжтой аж. Хэрвээ "тэнсэн”-д хамрагдаж чадвал Ц.Алдармаа эрх чөлөөтэй болох боломж бүрдэнэ.

Хэргийг сануулбал, "Шинэ үе” продакшны жүжигчин Д.Оюунтуул, Ц.Алдармаа нар нь Орхон аймгийн Баян-Өндөр сумын "Сонорхайрхан” зочид буудалд бие бие рүүгээ халуун буцалсан ус цацаж гэмтээсэн юм.

Тиймээс анхан шатны шүүхээс Ц.Алдармаад согтууруулах ундаа хэрэглэсэн үедээ нэгнээ гэмтээж, хөдөлмөрийн чадварыг нь алдагдуулсан хэрэгт буруутгагдан шүүхээс 7 жил 10 хоногоор шийтгүүлсэн. Учир нь түүнийг Эрүүгийн хуулийн тусгай ангийн 96.2.6-д зааснаар онц хэрцгий аргаар бусдын бие махбодид санаатайгаар хүнд гэмтэл учруулсан хэргээр ялласан юм.

Холбоотой 5 мэдээ

А.М

Ц.Алдармаа, Д.Оюунтуул нарыг шүүх хуралдаан эхэллээ

Санал болгох

Сэтгэгдэл